Hira 2025-2026


Date & Heure de la Répétition

04/10/2025 à 21:18

04 Rue Claude Boyer, Lyon 07

Nahita hazavana tomarataratra

NAHITA HAZAVANA TOMARATARATRA
• Vavaka sy Hira p. "397
• Fihirana Hasina p. "620
• Ankalazao ny Tompo p. "315
(Iz. 9, 1-3, 5-6)

1 Nahita hazavana tomarataratra
 Ny vahoaka namaky ny haizim-pito;
 Namirapiratan'ilay mazava
 Ireo nogejain'ny fahoriana
       Nahafaly ny fon'ny vahoaka ianao,
       Ry Tompo Andriamanitra tsara fo,
       Ny fanahiny kosa dia ravoravo,
       Ka mirana izy anatrehanao.
 
2 Mibitaka toy ny mpijinja izy,
 Mihoraka toy ny mizara babo,
 Satria na ny bao teo an-tsorony aza,
 Na ireo tsora-kazo nakapoka azy,
       Na koa ny firitsoka nampijaly,
       Dia samy nopotipotehinao,
       Tahaka izay efa nataonao
       Ilay tamin'ny andron'i Madiàna.
 
3 Fa zaza no teraka ho antsika,
 Endrey zazalahy no nomena antsika:
 Ka indro napetraka hozakainy
 Ilay fanjakana natolotra azy:
       Ny anarany Andrianampanolotsaina
       Andriananaharimaherisandry
       Andrianarainifotoandrehetra
       Andrianatomponifiadanana.
 
4 Dia hitatra kosa ny fanjakany,
 Ka tsy hanam-petra ny fiadanana,
 Manerana ny tany ny fanjakany
 Sy eo amin'ny fiandrianan'i Davida.
       Ho marina hatrany ny fitsaràny
       Hatramin'izao k'ho mandrakizay,
       Tanteraka izany an-tsitrapo,
       Dia noho ny fitiavan'ny Ray antsika.
Imprimer

Sahy manolotra ny ainy

Sahy manolotra ny ainy, ho an'ny ondriny rehetra
Ny mpiandry ondry tsara
Ka ny rany sy ny tenany dia afoiny manontolo
Ho sakafon'izy ireny

1- Izy Tompo no mpiandry, zaho kosa ondry fiandriny
Tsy mba ory n'inona n'inona
Ary vilo-maintso hatrany no ampialany sasatra ahy
 
2- Moron-drano mahatony no hitondrany ahy hatrany
Mahavelom-bolo ery
Ary lalam-pahamarinana ho itarihany ny diako
Ho voninahitry ny anarany
 
3- Raha mandalo lohasaha, lohasaha mahafaty
Dia tsy misy atahorako!
Fa eo ianao aman-tehina sy kibay miaro ahy
 
4- Ny fahavalo manoloana izaho rosoanao sakafo
Ary indro ianao manosotra diloilo izany lohako
Fa safomorona ny ziogako
Enin-kasambarana aho.
 
5- Indrafo sy hasambarana no mambomba ny androm-piainako
Ao antranon'Izy Tompo no honenako hatrany.
Amin'ny androko rehetra.
 
6- Ho an'ny Ray Tompontsika, Tompontsika ondry tiany.
Ho an'ny Zanaka Mpiandry
Ho an'ilay Fanahy Masina, mpizarazara ranovelona
Voninahitra sy dera.
Imprimer

Hanambara Ahy ny Fanahy

Ankalazao ny Tompo p. "207
Fihirana Hasina p. "287
Antsao ny Tompo p. "44
Vavaka sy Hira p. "426
Fihirana Vaovao p. "154


Hanambara ahy ny Fanahy,
Hanafaka ny alahelonareo;
Hanambara ahy ianareo,
Hanakafaka ny alahelon'ny olona.
 
1 Ny foko midera ny Tompontsika,
 Ny saiko mifaly amin'Andriamanitra
 Noho izy Mpamonjy nitsinjo ahy
 'Lay mpanompovaviny tsinontsinona.
 
2 Fa indro manomboka ankehitriny
 Hantsoin'ny taranaka: "Sambatra" aho:
 Nahavita be tamiko ilay Mahefa,
 Ilay hoe "Ny Masina no anarany".

3 'Lay mandrakizay ny indrafony
 Amin'ny olon-drehetra matahotra Azy,
 'Lay Tompo Mpandresy mahery sandry ,
 Mampihahaka ireo 'zay mpiavonavona.
 
4 Manongana ireo izay mpanjakazaka
 Kanefa manandratra ireo ambany;
 Manototra soa an'ireo noana
 Fa mampody maina an'ireo mpanana.
 
5 Mpanarina an'Israely olony
 Satria mahatsiaro ny indrafony
 Nampanantenainy ny razantsika
 Ho an'i Abrahama sy izay taranany.
 
6 'Lay Ray be fitiavana mba derao,
 Hobio 'lay Zanany tonga nofo,
 Ary koa 'lay Fanahy mampiray antsika,
 Ho mandrakizay alaovalo!
Imprimer

Fa ny fetran'ny fitia

Fa ny fetran'ny fitia izay nitiavana ny Tompo: dia fitia tsy misy fetra

1 - Ny fitiavana ambony farantampony: fanomezan'ny Fanahy ho antsika oo
Dia izany no fitia feno fatra (x2)

2 - Nahafoy harena be i Salomona hanorenana tempoly ho an'ny Tompo oo
Dia izany no fitia feno fatra (x2)

Fa ny fetran'ny fitia izay nitiavana ny Tompo: dia fitia tsy misy fetra

3 - Nahafoy ny fanany ry Piera nandehanana nanaradia an'ny Tompo oo
Dia izany no fitia feno fatra (x2)

4 - Dia tanteraka ny zava-drehetra moa i Jesoa namoy ny ainy ho antsika oo
Dia izany no fitia feno fatra (x2)

Fa ny fetran'ny fitia izay nitiavana ny Tompo: dia fitia tsy misy fetra
Imprimer

Fantatry ny Ray

1- Fantatry ny Ray ka entiny ao am-pony,
    'Reo zanany enjehina, hidina an-tranomaizina :
    Anaovana herisetra sy verezin-jo tanteraka ;
    'Reo zanany mioitra miantsoantso rariny :
    Giazana fatorana... fa mendrika famaizana !
    Fantatry ny Ray !

Ho avy ny fotoana, fa tsy sitrak'Andriamanitra
ho very maina foana 'zao fahoriana izao... !

2- Fantatry ny Ray ka entiny ao am-pony,
    'Reo zanany madinika mitrongy vao mba homana :
    Tolorana ambim-bava ireo ho tamby fampanginana ;
    'Reo zanany fitahina amy lainga tsara lahatra :
    Tiavina, tiavina ho tohatra fiakarana !
    Fantatry ny Ray !

Ho avy ny fotoana, fa tsy sitrak'Andriamanitra
ho very maina foana 'zao fahoriana izao... !

3- Fantatry ny Ray ka entiny ao am-pony,
    'Reo zanany ialonana, fofoina sy somparana :
    Azera raha mijoro, finganina raha miarina ;
    'Reo zanany roràna, ka esoina raha miezaka :
    Kanefa dia latsaina raha kivy fo tanteraka !
    Fantatry ny Ray !

Ho avy ny fotoana, fa tsy sitrak'Andriamanitra
ho very maina foana 'zao fahoriana izao... !

4- Fantatry ny Ray ka entiny ao am-pony,
    'Reo zanany tomany fa nidonam-pahoriana :
    Milofika irery tsy mba manan-kianteherana ;
    'Reo zanany nanota, ka ihohofana torahina :
    Tondroina hoe voaozona, tsy mendrika ho velona !
    Fantatry ny Ray !

Ho avy ny fotoana, fa tsy sitrak'Andriamanitra
ho very maina foana 'zao fahoriana izao... !

Imprimer

Ô ry Jesoa Zokinay

O ry Jesoa Zokinay,
Mbola misy zandrinao
Ianjadiana fahoriana;
Tsy hianona izahay
Raha akifika izy ireny!
Tsy hahita masoandro

Fiv.: Jesoa Tompo, Zokinay,
'Ndray misotro ny Herinao
Izahay zandrinao;
Sahinay ny miantso hoe:
Iray tampo izahay rehetra
Miara-miondrana aminao
Eto an-tany maminay.

2- Ao ny tetika aroso
Maty paika hatraiza hatraiza
Hanjambena maro an'isa!
Tsy leferinay mihitsy
Raha ny marina dakàna,
Zandrinao no ho fetsena!

Fiv.: Jesoa Tompo, Zokinay,
'Ndray misotro ny Herinao
Izahay zandrinao;
Sahinay ny miantso hoe:
Iray tampo izahay rehetra
Miara-miondrana aminao
Eto an-tany maminay.

3- Tsy ho mpitazana kanosa;
Very andro mitsikera
Ny hitanay fa mikoroso,
Fa hizaka ny safidy
Sy ny andraikitra takiana:
Maha-zandrinao anay!

Fiv.: Jesoa Tompo, Zokinay,
'Ndray misotro ny Herinao
Izahay zandrinao;
Sahinay ny miantso hoe:
Iray tampo izahay rehetra
Miara-miondrana aminao
Eto an-tany maminay.

4- Ny Hazavana avy aminao
Efa mby anatinay
Lovanay mandra-maty!
Sahinay aranganranga
Ho zaraina manontolo
Am'zandrinao rehetra!

Fiv.: Jesoa Tompo, Zokinay,
'Ndray misotro ny Herinao
Izahay zandrinao;
Sahinay ny miantso hoe:
Iray tampo izahay rehetra
Miara-miondrana aminao
Eto an-tany maminay.
Imprimer