Hira 09 juin 2024

Hira “Tsara ny Tompo” hiarahana miaraka amin’ny chorale rahavavy (FLM sy FPMA)

Date & Heure de la Répétition

01/06/2024 à 14:30

04 rue Claude Boyer, Lyon 07

Sahy manolotra ny ainy

Sahy manolotra ny ainy, ho an'ny ondriny rehetra
Ny mpiandry ondry tsara
Ka ny rany sy ny tenany dia afoiny manontolo
Ho sakafon'izy ireny

1- Izy Tompo no mpiandry, zaho kosa ondry fiandriny
Tsy mba ory n'inona n'inona
Ary vilo-maintso hatrany no ampialany sasatra ahy
 
2- Moron-drano mahatony no hitondrany ahy hatrany
Mahavelom-bolo ery
Ary lalam-pahamarinana ho itarihany ny diako
Ho voninahitry ny anarany
 
3- Raha mandalo lohasaha, lohasaha mahafaty
Dia tsy misy atahorako!
Fa eo ianao aman-tehina sy kibay miaro ahy
 
4- Ny fahavalo manoloana izaho rosoanao sakafo
Ary indro ianao manosotra diloilo izany lohako
Fa safomorona ny ziogako
Enin-kasambarana aho.
 
5- Indrafo sy hasambarana no mambomba ny androm-piainako
Ao antranon'Izy Tompo no honenako hatrany.
Amin'ny androko rehetra.
 
6- Ho an'ny Ray Tompontsika, Tompontsika ondry tiany.
Ho an'ny Zanaka Mpiandry
Ho an'ilay Fanahy Masina, mpizarazara ranovelona
Voninahitra sy dera.
Imprimer

Nanala antsika

Nanala antsika tamin'ny fahefan'ny haizina
Andriamanitra Ray,
Ka namindra antsika amin'ny Fanjakan'ny Zanany malala,
ilay ahazoantsika ny fanavotana
sy ny famelan-keloka
(Sal. 134)

1 -  Ka derao e ny anaran'ny Tompontsika!
      Ry Mpanompon'ny Tompo samia midera.
      Ianareo 'zay mitoetra ao an-tranony ao,
     Ao an-kianjan ny Tompo Andriamanitsika!

2 - He! derao 'zany hasoan'ny Tompontsika!
     'Zany anarany mamy e, redony an'antsa!
     I Jakôba voafidin'ny Tompo ho azy;
     Ka nataony fananany i Israely.

3 - Dia fantaro fa ambony, lehibe ny Tompo,
     Ka mihoatra an'ireo andriamani-kafa.
     Fa izay sitrapony dia tontosainy,
     Any an-danitra ambony sy eto an-tany.

4 - Ranomasina sy hantsam-be rehetra,
     Dia samy anehoany ny sitrapony.
     'Rony rahona akariny hitatao
     Ka ny ora-manelatra manjopiaka!

5 - 'Tony rivotra tsofiny hivoaka hiala
      Avy amin'ny toerany nitobiany!
     Dia nasiany ny lahimatoa rehetra,
     Na ny biby na ny olona tao Ejipta.

6 - Famantarana maro sy fahagagana
     No nalefany hamely an'i Faraôna;
     Dia nikapoka maro amy firenena,
     Nahafaty mpanjaka mahery vaika!

7 - Ry Sihôna mpanjakan'i Emoria,
     Sy ry Oga mpanjakan'ny ao Basàna.
     Ka ny tanin'ireny nomeny ho lova,
     Ho lovan'ny vahoakan'i Israely!

8 - Hoderaina ny anaran'ny Ray Nahary
     Fa Mpanjakan'ny lanitra sy ny tany
     Omen-dera ny Zanany lahimatoa
     Ary koa ny Fanahy 'zay mpanolo-tsaina.
Imprimer

Fa tsy hoe hahita

1-Fa tsy hoe hahita ny rano fisotro higoka ny mamy, ho anao samirery
Tsy izay no manosika antsika isanan’andro, fa raha izay e:
    fitiavan-tena aaa

Tsy hoe manantena ny takalom-patsa
Tsy hoe sasa-miandry ny atero ka alao
Tsy izay no mangaika hitiavana ny olona, fa raha izay e:
    fitiavan-tena aa

Jesoa Kristy Tompontsika ôo
Raha nihaona amin’ilay samaritanina
Izy Andriamanitra nanaka-dresaka ka resaka hatrany amin’ny ati-fanahy
Dia tonga hanazava ny fo sy ny saina ô, hangetaheta ny fiainan’ny Tompo ô

Teraka teo ny fanantenana : hangetaheta ny fiainanan’ny Tompo (x2)

Jesoa Kristy Tompontsika ôo
Ankehitriny izy mitady anao
Izy no tonga mitafa aminao ô, resaka tsotra hilazany hoe ;
Raha fantatrao manko ny fanomezan’Andriamanitra ô,
raha fantatrao ô
Dia ho ianao no hangetaheta, hangetaheta ny fiainan’ny Tompo ô (x2)

Jesoa Kristy Tompontsika ôo,
Dia fanomezan’Andriamanintsika
Jesoa Kristy Tompontsika ôo: fiainantsika izy ee

2-Fa tsy hoe hitsipaka ny ara-panahy,
hanidy ny fo tsy hidiran’ny Tompo
Tsy izay no hampiadana antsika olombelona, fa raha izay e:
    Kipantsona foana

Tsy hoe toy ny sakamalao sy havozo,
Tsy hoe sasanangy mandrirotra ho azy
Tsy izay izy Tompo sy ny fiainantsika, fa raha izay e:
    Kipantsona foana

Jesoa Kristy Tompontsika ôo
Raha miaraka amin’ilay samaritanina
Izy Andriamanitra nanakan-dresaka ka resaka hatrany amin’ny ati-fanahy
Dia tonga hanazava ny fo sy ny saina ô, hangetaheta ny fiainan’ny Tompo ô

Teraka teo ny fanantenana : hangetaheta ny fiainanan’ny Tompo (x2)

Jesoa Kristy Tompontsika ôo,
Ankehitriny izy mitady anao
Izy no tonga mitafa aminao ô, resaka tsotra hilazany hoe ;
Raha fantatrao manko ny fanomezan’Andriamanitra ô:
raha fantatrao ô
Dia ho ianao no hangetaheta, hangetaheta ny fiainan’ny Tompo ô (x2)

Jesoa Krisy Tompontsika ôo, dia fanomezan’Andriamanintsika
Jesoa Krisy Tompontsika ôo:
    fiainantsika izy ee
Imprimer

Tsara ny Tompo

TSARA NY TOMPO


1- Midera Anao aho ry Tompo sy Mpamonjiko

Fa mahagaga tokoa ny Anaranao ee

Fa heriko sy tanjako ary tokiko

Vatolampy anjarako hatrizay


Aleloia fa tsara Ianao Jehova ô

Manaiky Anao izao tontolo izao

Ny fahalalako Anao mahavonjy ahy

Tsy nenin-ko fa andry hiankinako


Mazoto (x4) ny hidera aho (x3) ny Anaranao e ry Tompo Ray mahery


2- Fa tsara Ianao fa tsara Ianao ry Tompo ô

Manenika ny voninahitrao e

Tsy misy toa tsy misy toa Anao e

Hatram’izay ka ho mandrankizay e


Aleloia fa tsara Ianao Jehova ô

Manaiky Anao izao tontolo izao

Ny fahalalako Anao mahavonjy ahy

Tsy nenin-ko fa andry hiankinako


Mazoto (x4) ny hidera aho (x3) ny Anaranao e ry Tompo Ray mahery


AMF - ChoeurUni 2024

Imprimer