Hira Karemy 2022

Fasana o

Fasana ô, iza ianao ? Fasana ô, ambarao

Fantratrao izay niseho tamin’ny andro fahatelo : 

Nimposahan’ny masoandrony tao anatinao nidanadana

Hitanao Jesoa nifoha, nofohazin’izy Rainy

Ilay namoha an’i Lazara ô, velon’aina soa aman-tsara

Nihorohoro mafy ianao, fa i Jesoa ilay mpanjaka

Nidina any ambany tany, feno ny herin’Andriamanitra

Nanambara tamin’ny razana fa resiny tokoa satana

Mapanameloka an’i Adama, mpanakatona ny lanitra

Fasana ô, tadidinao va re?

Ireo horakoram-pifaliana tamin’ny andro fahatelo

Fantatrao f’ilay mpanavotra, no santatr’ireo nodimandry

Tamin’ny andro faha telo

Fasana ô, iza ianao ? Fasana ô, ambarao

Toy ny tany va ianao ? Nipasaka hamoa ?

Voa nafafy nety lo, izay nitsiry nandrombona hamoa

Jesoa Tompo voa nafafy no nindrembona amin-kery

Avy tao ankibonao zary hazon’aina vao

Tany lonaka ianao ho an’ny nofonay marefo

Raha ny fahafatesanay no atambatray hamelo

Zay tsy ampy amin’ny nofon’/i Kritsy tsy manantsiny

Izay tsy miaraka amin’ny Tompo tsy hanan’aina velively

Fasana ô, tadidinao va re?

Ireo horakoram-pifaliana tamin’ny andro fahatelo

Fantatrao f’ilay mpanavotra, no santatr’ireo nodimandry

Tamin’ny andro faha telo

Fasana ô, iza ianao ? Fasana ô, ambarao

Misy tanambokovoko  zary fomba amampanao

Vita sary tsara joro eo ambonin’ny lohanao

Rehareha va ianao ? Rendrarendra koa ny hazo nifantsihan’i Jesoa,

Tompo Zanak’i Avo

Manankasina ianao toy ilay hazo fijaliana

Tsy horava ka hajoro, ilana dera sanatria

Fa anjara ho zakaina, lahatra efa voatendry

Nohamasinin’ilay Zanaka isandratam-boninahitra

Fasana ô, tadidinao va re?

Ireo horakoram-pifaliana tamin’ny andro fahatelo

Fantatrao f’ilay mpanavotra, no santatr’ireo nodimandry

Tamin’ny andro faha telo

Fasana ô, iza ianao ? Fasana ô, ambarao

Andrandrao ô, ny asara manitra, hanangonan’Andriamanitra

Ireo zanany rehetra amin’ny feon’ny anjomara

Hietsi-jaza indray ianao toy ny tamin’ny andro Paka

Fa mahery ny Fanahy ô ilay fananganan-janaka (x2)