Hira Noely 2023

Hira maro isafidianana

Date & Heure de la Répétition

03/12/2023 à 14:30

04 rue Claude Boyer, 69007, Lyon

Tena babo

1-  Tena babon’ny fitiavanao tokoa izany fiainako,
Tsy nahita tory aho fa nifoha vao maraina;
Tena babon’ny fitiavanao tokoa izany saiko
Izany no nanosika ahy hikalo izao hira izao:
           Tsy manenina aho Jesoa ô, manana Anao
           Isaorako lalandava ny Anaranao

Ny foko mitempo ao anatiko ao:
Noho Ianao Jesoa,
Nametrahanao ny fitiavanao mandrakizay tsy ho lo
Izaho kosa anefa ity manalavitra Anao
            Tsy manenina aho Jesoa ô, manana Anao
            Isaorako lalandava ny Anaranao
 
2- Tena latsaka tanatiko tokoa izany antsonao,
Ka nandrisika ahy hikaroka ny tavanao vao maraina;
Tena latsaka tanatiko tokoa izany Teninao,
Ka nanentana ny vavako hiventy izao hira izao:       
          Tsy manenina aho Jesoa ô, manana Anao
          Isaorako lalandava ny Anaranao
Ny foko mitempo ao anatiko ao:
Noho Ianao Jesoa,
Nametrahanao ny fitiavanao mandrakizay tsy ho lo
Izaho kosa anefa ity manalavitra Anao
         Tsy manenina aho Jesoa ô, manana Anao
         Isaorako lalandava ny Anaranao

Imprimer

Andro iray

Mifaly havanja ny tontolo velombolo fa tonga ilay Noely soa

Mirana ny mpianakavy mandalo ihany somebiseby avokoa

Fitafiana vaovao sy kilalao mifampitaha ny ankizy

Na ho an’ny lehibe na kely ny andro Noely: fifaliana izay tsy izy


Ny mpifanandrina mitady hoe ny ady mba hatsahatra andro iray

Ny tsy mpiakatra alahady dia mivoady fa ho am-piangonana am’izay

Ny mpamory tany kely, ny andro Noely mitady fihavaozana Aminao

Mba io kosa no angatahana, hivavahana, ho noely foana isan’andro izao

Imprimer

Andeha hitsena ny Tomponao

Fo falifaly sy ravoravo no hiderana Anao

Endrika mirana misariaka no hitsenana Anao

Jesoa fitiavana Ianao ilay Avo miantso avia

Ny kitan’ny lanitra manjompiaka hanazava ny dia

 

Avy mihobia an’I Kristy

Herezo ny dia, malakilakia avia

Fangaina ianao, avia derao sy ankalazao ny Tomponao

 

Eny e andao andao hafaingano malaky ny dianao andao

Andeha hitsena ny Tomponao hanatitra kalo sy hira vao andao andao

 

(Andao andao andao)

 

Ny valiha sy ny amponga indray miredona hankalaza Anao

Faly ny rehetra mifampitaona mba hihoby Anao

Ny lanitra manga toa mandravaka ny maraina vao

Ka ny tononkira sy tonom-bavaka omena Anao

Imprimer

Antso - Melky

Isaky ny mba hiteny aho dia mihaotra
Isaky ny mba hilaza aho dia matahotra
Efa impiry impiry moa, f'ankehitriny izao
Hanolo tena ho an'i Jesoa Mpamonjy aho fa olom-baovao

Ny andro androany no hilazako amin'i Jesoa fa hanompo azy aho
Ny andro androany no hilazako amin'i Jesoa fa hanaja azy aho
Ka ny andro androany no hilazako amin'ny Tompo fa
Izy irery, Izy irery iany
Hanolo tena ho an'Jesoa Mpamonjy aho fa olom-baovao

Jesoa inty aho, Jesoa fa vonona aho
Hanolo tena ho anao, raiso ty mpanomponao
ooooooo

FIV:Tompo o,Andriamanitro ianao
Hanaja Anao amin'ny fo sy saina, fanahy (2)
N'aizan'aiza misy ahy

Ny androko rehetra atolotro Azy
Ka ny hazavany no hanjaka
Tsy hisalasala intsony aho ny hanantona azy izao*
Hanolo tena ho an'i Jesoa Mpamonjy aho fa olom-baovao

Ny andro androany...fa olom-baovao

Jesoa inty aho...raiso ty mpanomponao

FIV:Tompo o...(2)
Imprimer

Ô, ry fihinanam-bilona

 

1.     Ô, ry fihinanam-bilona, famantarana ho anay

 Manambara ny olombelona mampiantrano an'Andriamanitra!

 Alina e ny andronay!

 Mosarena fiantrana izato tany maminay:

 Ny fitiavan-tena tsinona no mameno ny fonay,

 Tsisy intsony izay mba toerana hiantranoan'izy Ray!

 "Io 'lay Zanany, hareny: lahitokany ka raiso;

 Zanahary mivahiny ao am-pon 'ny olombelona:

 Voninahitra sy harena mihoatra izay irinareo!"

 

2.     Ry mpiandry ondry sambatra, olon-tsotra solonay,

 'Zay maniry fiadanana no toloran'Andriamanitra...

 Alina e ny andronay!

 Mosarena hazavana izato tany maminay:

 Rakotra haizina ny fiainana ka mamoy fo 'zahay,

 Tsisy intsony izay mba taratra hitsinjovana ny Ray!

 "Io ny Teny tonga nofo: hazavana ka hatòny,

 Fara tenin'Andriamanitra amy fon'ny olombelona:

 Vaovao mahafaly efa nandrandrainareo".

 

3.      O, ry majy tatsinanana, solon-tenanay mpanota,

 'Zay mibanjina ny lanitra notarihin'Andriamanitra...

 Alina e ny andronay!

 Mosarena famonjena izato tany maminay:

 Ny otanay no mitambesatra ka tsy mampitraka anay;

       Tsisy intsony 'zay mba kintana mampitodika amy Ray!

      "Io Jesoa fitarikandro: famonjena ka araho,

       Zanahary te hanova ny ati-fon'ny olombelona:

      Hazavana manjopiaka hitari-dalana anareo!"

Imprimer

Noely Fahaterahana- Vetson'I Fianara

Avy e Añao, Jesoa, namangy anay atoy;
Tsa nifidy tany hidirana, fa havanay aby tokoa.
Tompo Andrianañahary Añao,
Feny... nañeky hitovy aminay.
Saove... nañeky hanompo,
Mba hanandratsa anay mpanota.
Ny voninahitsa e izao ho an'Andrianañahary e,
  (Gloria, Gloria, Gloria)
Eko atsika olo tiàny: hampanjaka ny fiadañana.
 
1 Izao ro "andro Fahaterahana":
 Nahaterahan'ny tena Aiña.
 Tsa misy koa ny tahotsy ny herin'ny maty e;
 Faly añay (e) fa manaña Anao mandrakizay! (inefatra)
 
2 Izao no fahaterahan'ny Hafaleana,
 Hafaleana ho an-dRaolombeloña.
 Ny mpanota nahazo fañatiñana e;
 Añay (e) matoky fa ho mpandresy! (inefatra)
 
3 Izao ro fahaterahan'ny Hazavana,
 Hazavana manila amin'ny maiziña.
 Mampitraka ireo misotry sy mamoy fo e;
 Añao herinay, "hamaito" ny onjam-piaiñana! (inefatra)
Imprimer